Monday, January 24, 2011

రెండో పాట, మీ కోసం,


            కుక్క చెప్పు రుచి మరిగినట్టు, ఒక పాట రాసే సరికి, ఇంకా ఇంకా రాయాలి అనిపిస్తున్నది. అందుకే ఇంకో హిందీ పాట తీసుకున్న. "తుం మిలే" అనే చిత్రంలో "దిల్ ఇబాదత్" అనే ఏడుపుగొడ్డు పాట చాల బాగా నచ్చింది. పాట రాయడం మొదలు పెట్టా. కలం, కాగితం తో పాటు కసి, పట్టుదలతో కూర్చున్న. పాట ఏడుపుగొడ్డు పాట. అంటే ప్రేమికులు విడిపోయారు. ప్రియుడు తన ప్రియురాలిని తలచుకుంటూ, తిట్టుకుంటూ పాడాల్సిన పాట. అసలు మనం అమ్మాయిలు, ప్రేమ ఇలాంటి వాటిని ఎప్పుడు చూడలేదాయ. అసలు మనం దానోళ్ళం కాదాయ. కానీ పాట మాత్రం రాయాలన్న కసి. సరే ఎలాగోలా కాగితం మీద రాయటం మొదలు పెట్టా.

             మొత్తానికి ఒకడు ఆ పిల్లను ప్రేమించి జీవితం సగం సంకనాకి పోయింది అని పాడుకునే పాట.  ఎంత ఆలోచించిన ఒక్క అక్షరం కూడా తట్టటం లేదు. అప్పుడు అర్ధం అయింది, ఒక పాట రాయాలంటే కావాల్సింది కసి కాదు కళ అని. వెంటనే నన్ను నేను ఒక విరహ ప్రేమికుడిగా ఊహించుకున్న, అలా రాయటం మొదలు పెట్టా. ఏదో నాకున్న పరిజ్ఞానంతో ఎలాగోలా మొత్తానికి పాట పూర్తి చేశా. 

తప్పులుంటే సరిదిద్దండి, అర్ధమే లేదనుకుంటే క్షమించండి( ఎక్కడో వినట్టు ఉన్నదా?)



పల్లవి||

  మనసులోని మమతలన్ని మాయమైపోయెను, నీవు లేని లోకమే శూన్యం అంటే నమ్మవా?
  విడిచినాను ప్రియతమా నా పంచప్రాణాలను, నీవు లేని లోకమే శూన్యం అంటే నమ్మవా?
  విధి ఆడిన ఆటలో, వికటించిన ప్రేమలో, విషమంతా గొంతులో, విలపించా మనసులో 
  నువ్వు రాసిన లేఖలు, నువ్వు చేసిన బాసలు, నువ్వు పలికిన ఊసులు, చెరిగాయి ఆ గుర్తులు
                                                                                                      ||మనసులోని||
చరణం||
   నీ ప్రేమ జ్ఞాపకాలే నా గుండెకు గాయం చేస్తే , భరించలేనే నేనిక,
   నువ్వు లేని ఈ దినమే, క్షణమే ఒక యుగం అవుతుంటే, కాలంతో పయనం ఇంకెలా?
   మన స్నేహం కల అని, జరిగిందో కల్లని, మరిచావా ప్రేయసి, నేనేమౌతానని 
   ఈ వలపనే అసత్యం, అది మరవటం అసాధ్యం, తెలిసింది ఈ నిజం, నాకెందుకి శాపం.
                                                                                                     ||మనసులోని||              
చరణం||
    మన మధ్య దూరం మొత్తం, వేవేల అడుగులు చేస్తే, మరిచుండలేనే ప్రాణమా
    మన మనసుల వారది అంతా, టైటానిక్ పడవ అవుతుంటే, నది సంద్రంలోనే మునుగుతా
    నది ఒడ్డులో చేపలా, నది రేవులో నావలా, ఓ కొలిమిలో కట్టెలా, నీ ప్రేమలో నేనున్నా
    అయినా నీ మనసులో ఇంత చోటే  లేదని, వేశావె  శిక్షని నేనెల మనగలనని
                                                                                                     ||మనసులోని||                  


2 comments:

  1. mama edo anukunna love poetry baane raasave???
    mari love cheyya ledante nammutharantava???

    ReplyDelete