Monday, July 15, 2013

ముఖం పుస్తకం 2

ముఖం పుస్తకం గురించి కొన్ని ముచ్చట్లు ఇది వరకు ఒక శీర్షికలో రాశాను, మరి కొన్ని ముచ్చట్లు ఈ శీర్షికలో ......

ముఖం పుస్తకం అనగానే ముందుగా మనకు ముఖ్యమైనది ముఖ చిత్రం.  ఇటీవల ముఖం పుస్తకంలో, అమ్మాయిలు ముఖం పుస్తకంలో వాడే ముఖ చిత్రాల మీద ఒక హాస్యభరితమైన చిత్రాన్ని చూశాను. దానిని చూసిన తరువాత నాకెందుకో దీని మీద ఒక టపా రాయాలనిపించింది. ఇప్పుడు ఆ ముఖ చిత్రాల గురించి కాసేపు ఏడుద్దాము.

ముందుగా మనిషి జీవితంలో పలు దశలు ఉన్నాయి. బాల్యం, కౌమార్యం, యవ్వనం, వృదాప్యం అని చినప్పుడు చదువుకున్నాము. అలానే ముఖం పుస్తకంలో కూడా వివిధ దశలు ఉన్నాయనమాట. అవేమిటో ఒకొక్కటి చూద్దాము.

బిటెక్ బాబులు : దాదాపు కాలేజీ కుర్రోళ్ళు అంతా సామాజిక న్యాయం కోసం తెగ పోరాడుతుంటారు. కాబట్టి వీళ్ళ ముఖ చిత్రం దాదాపు, వీళ్ళ సామాజిక వర్గ అగ్ర కధానాయికుడి చిత్రమే ఉంటుంది. ఇంజనీరింగు అయ్యి ఉద్యోగం వచ్చే దాక, బాబు చిత్రమే ఉంటుంది. ఉద్యోగం వచ్చాక కూడా చిత్రం మార్చలేదంటే, కుర్రాడికి ఇంకా కుర్ర తనం పోలేదని అర్ధం చేసుకోవాలి. ఇంకొంతమంది దేశ భక్తులు, తమ సామాజిక వర్గ రాజకీయ నాయకుడి చిత్రం పెట్టుకుంటారు. దేశ భక్తులు అని ఎందుకు అన్నానంటే, వీళ్ళకి దేశ భక్తీ మిక్కిలి ఎక్కువ. వాళ్ళ నాయకుడు పదవిలోకి వస్తే దేశం విపరీతంగా బాగు పడుతుందని బలంగా నమ్ముతారు గనుక వీళ్ళని దేశ భక్తులు అనటంలో తప్పే లేదు.

సాఫ్టోళ్ళు : అంటే నా బోటి వాళ్ళు అనమాట!! కెమేరా  దొరికితే చాలు, కళ్ళజోడు పెట్టి ఒక చిత్రం, తీసి ఇంకో చిత్రం, నిలుచొని ఒకటి, కూలబడి ఒకటి ఇలా రక రకాల భంగిమలలో ముఖ చిత్రాలు మారుస్తుంటారు. కొత్తగా ఉద్యోగం వచ్చాక, కొత్తాఫీసులో దిగిన చిత్రాలు పెడతారు. ముఖ్యంగా పైన అమ్మాయిలతో కలిసి దిగిన చిత్రాలు మాత్రం మర్చిపోకుండా ప్రచురిస్తారు. ఏ కొత్త ప్రదేశానికి వెళ్ళినా, తప్పక చిత్రాలు దిగి, ముఖం పుస్తకంలోకి ఎగుమతి చేస్తారు. విదేశాలకు వెళ్తే ఆ సంగతి చెప్పనక్కరలేదు. అక్కడ పిచ్చి మొక్కల ప్రక్కన నిలబడి దిగినా బాగానే ఉంటుంది.

పెళ్లి కుమారులు / కొత్తగా పెళ్లి అయినోళ్ళు :  వీళ్ళ గురించి ఎక్కువ చెప్పినా బాగుండదు.  పెళ్లి చిత్రాలు పదే పదే మార్చి పెడుతుంటారు. కొందరైతే వాళ్ళ ప్రేమానురాగాలను ముఖం పుస్తకంలో చూపించుకుంటూ ఉంటారు. వాళ్ళ అన్యోనతను చూసి ఒక్కోసారి కళ్ళు మూసుకోవాల్సి వస్తుంది కూడానూ. అప్పుడప్పుడు వైవాహిక జీవితం గురించి గొప్ప గొప్ప సామెతలన్నీ ప్రచురిస్తుంటారు.

పిల్లల తండ్రులు : పెళ్లి అయ్యాక, పిల్లలు పుట్టాక, కొన్ని రోజుల వరకు పిల్లల ఫొటోలు పెడతారు (అమ్మాయిలు చో చ్వీట్ అని వ్యాఖ్యలు రాయటం గురించి ప్రత్యేకించి ప్రస్తావించాల్సిన అవసరం లేదనుకోండి), మా అనిల్ అన్న దానికి ఇటీవల ఉదాహారణ. 

ఆ తరువాత : నాకు తెలిసి ఆ తరువాత ముఖం తుడుచుకొనే అంత ఖాళీ ఉండదు, ఇంకా  ముఖం పుస్తకం చూసేంత ఖాళీ ఎక్కడ ఉంటుంది??

గూడాచారులు : ప్రతి దానికి మినహాయింపు ఉన్నట్టు, ఇక్కడ కూడా మినహాయింపు బాపతు ఉన్నారు. ముఖం పుస్తకంలో ఉంటారు, కానీ ఫొటో పెట్టటానికి మాత్రం ఎందుకో భయపడుతుంటారు. ఒక్క లైక్ ఉండదు, ఒక్క షేర్ ఉండదు. కానీ జరిగేదంతా గమనిస్తూనే ఉంటారు. 

నేను గమనించినంతలో క్లుప్తంగా చెప్పాను. ఇవన్నీ ప్రక్కన పెడితే, ముఖం పుస్తకంలో ప్రచురించే వాటిల్లో భలే తమాషాలు ఉంటాయి. దాని మీద ఏకంగా ఇంకో శీర్షిక రాయచ్చు. ఉదాహరణకు మొన్న ఒక చిత్రం చూశాను. ఆంగ్లంలోఎధాతదంగా మీ కోసం, "I fear the day that technology will surpass our human interaction. The world will have a generation of idiots" అని ఐన్ స్టీన్ చెప్పారంట!!! ఆ పెద్ద మనిషి చెప్పింది నిజమే. మనుషుల మధ్య టెక్నాలజీ వల్ల దూరం పెరిగింది అని, మరి ఆ పోస్టు ప్రచురించిన వాడు చేసే పని కూడా అదే కదా!! 24 గంటలు ముఖం పుస్తకంలో ముఖం పెట్టి కూర్చున్నది కాక, మళ్ళీ ఐన్ స్టీన్ ఏదో అన్నాడని తెగ భాద పడిపోవటం దేనికి. ఆ విషయం తెలిసినప్పుడు, ముఖం పుస్తకం మూసుకొని నిద్రపోవచ్చు కదా !!!

12 comments:

  1. మధ్య వయస్సు (middle age) వారు, టీనేజ్ ఫోటోలు పెడతారు. తరచుగా ఫోటోస్ మారుస్తారు. :)

    ReplyDelete
    Replies
    1. ఏదో లెండి. ముదిమికి ముచ్చట్లు లావు.
      అయినా నా బ్లాగులో‌ నా బొమ్మ ఈ‌ మధ్య కాలందే.

      Delete
  2. sattire aaa ..... mari nuvvu like lu enduku pedutunnaav . good one .. kaani ippudu colleg ekurraallu kudaa manchi manchi pose lu istoo pedutunnaaru

    ReplyDelete
    Replies
    1. చేరాల్సిన వాళ్ళకి చేరుతుందో లేదో అనుకున్నా, బాగానే పట్టుకున్నావే

      Delete
  3. Hehehe.. chala rojula tarvata nee blog chadiva ra raamu.. Mana Softolla gurinchi baaga cheppav..

    Videshalaku velthe mareenu.. akkada pichi mokkala pakkana nilchuni photo diginaa baane untundi.. :D

    --JB

    ReplyDelete
  4. వెటకారంగా,వ్యంగ్యంగా రాశాను అనుకున్నాఅరు కానీ నిజాయితీగా నిక్కచ్చిగా, రాశారు,
    అభినందనలు తమ్ముడూ,

    ReplyDelete