Wednesday, March 16, 2011

కాబోయే పెళ్లి కొడుకు

నా స్నేహితుడికి పెళ్లి చూపులు అని చెప్పగానే, నాకు ఆశ్చర్యమేసింది. వయసులో నాకన్నా సంవత్సరం చిన్నవాడు., వాడికి అప్పుడే పెళ్లి చూపులు. చూపులే కదా అనుకుంటే ఏకంగా నిశ్చతార్ధం దాకా వెళ్ళాడు. ఇంతకీ పెళ్లి చూపులు ఎలా జరిగాయి అంటే, " అసలు ఏమి జరిగిందో గుర్తులేదు రా చెప్పటానికి.," అని అమాయకంగా చెప్పాడు.

 అసలు నా స్నేహితుడు అని చెప్పటం కాదు కాని, వాడు ఎంత అమాయకుడు అంటే "ఇలియానా అందంగా ఉంటుంది కదరా"  అని అడిగితె, "ఆ దేశం ఎక్కడ ఉంది అనంతరాము?"  అని అడిగే అంత అమాయకుడు. అలాంటి పసి కందుకు పెళ్లి అనే సరికి నిజంగానే ఆశ్చర్యమేసింది. మొదట్లో నమ్మలా., అందునా మా ఊరికి అల్లుడిగా వస్తున్నాడనే సరికి ఇంకా ఆశ్చర్యమేసింది. ఇది నిజమని నమ్మటానికి వాళ్ళ అమ్మగారికి ఫోన్ చేసి ఖాయం చేసుకున్నా. ఇంకా తన గురించి చెప్పాలంటే, 
  1. అందగాడు, మహేష్ బాబు లాగా అందంగా తెల్లగా ఉంటాడు( ఇద్దరు ఒకే రోజున పుట్టారు).
  2. మంచి మనసు(పని మనుషులని కూడా అక్క చెల్లెళ్ళు అని భావించే అంత).
  3. మంచి చదువు. మంచి బుద్ది.
  4. ఆరు పలకల దేహం లేక పోయినా  సంవత్సరానికి ఆరు లక్షల జీతం సంపాదిస్తున్నాడు. 
  5. అమ్మనాన్నలకు ఒక్కగానొక్క  వర ప్రసాదం. 
  6. ఆస్తి కుడా జాస్తి, 
  7. చెడు అలవాటులంటారా?  అస్సలు దానోడు కాదు.
  8. దైవ భక్తీ కూడా మెండు.  

"తిట్టే నోరు తిరిగే కాలు ఊరికే ఉండదు" అని సామిత., అలాంటిది అందరిని ఏదో ఒక రకంగా తిట్టే వీడు స్నేహితుడిని ఇంత పోగుడుతున్నాడు., వాడికేమన్న డబ్బులు  బాకీ ఉన్నాడా అనుకుంటున్నారేమో., కానే కాదు, ఎందుకంటే ఇవి పొగడ్తలు కాదు. ఇన్నాళ్ళ మా స్నేహంలో నేను తెలుసుకున్న నిజాలు. ఒక్క ముక్కలో చెప్పాలంటే నా కన్నా మంచి వాడు.

కాని "ఇక మునుపటి లాగా కాకుండా మాతో తక్కువ మాట్లాడుతావేమో రా?"  అని అంటే నవ్వి ఊరుకున్నాడే తప్ప ఖండించలేదు. నాకు అప్పుడే అర్ధం అయింది. వీడు ఇక మీదట అమాయకుడు కాదు అని. మా స్నేహితులు అందరిలోనూ తనదే మొదటి పెళ్లి కాబట్టి, అందరం కలుసుకుందామని నిర్ణయించుకున్నాం. ఆ రోజు ఖర్చు అంత వాడి మీదే వేస్తే పోతుంది కదా. అందునా కొత్త పెళ్లి కొడుకు కాబట్టి కాదని అనలేడు. చాల రోజుల తర్వాత చిన్ననాటి స్నేహితులందరం కలుస్తాము అనే ఆత్రుత అందరిలోనూ ఉన్నది.  

ఇంతకీ ఎవరా స్నేహితుడు అనుకుంటున్నారా? సమాధానం కోసం వేచి ఉండండి. వివరాలు నిశ్చతార్ధం తర్వాత.  

11 comments:

  1. Naveen Gollapudi3/16/11, 7:36 PM

    Todaralo ninnu kuda pelli kodukuga chudalani undi raa!!!

    ReplyDelete
  2. .. ee article chaalaa baagundi annayya... awaiting to see you all (at least this will be the reason)..

    ReplyDelete
  3. Rey aa ammayiki kooda ee blog pampandi ra.. thana daggara nundi emi comments vastayo choodam

    ReplyDelete
  4. @Naveen: mundu nee pelli, tarwate na pelli ra.,

    ReplyDelete
  5. @SP: ammailaku pampinchatam nee duty ra., na duty kaadu :P

    ReplyDelete
  6. wow...chala baga rasav...and kotha vishayalu telisayi e blog chadivaka...intha amayakulu kuda unnara ani:P(nijam ani nammuthunna:))...

    ReplyDelete
  7. ippatikaina ardham ainda memu enta amayakulamo? :P

    ReplyDelete
  8. Me frnd gurinchi baga rasav Ananth Ram. Inthaku aa pelli koduku yavaru?

    ReplyDelete
  9. chptanu., koncham wait cheste.., asale pelli koduku siggu padutunnadu

    ReplyDelete
  10. sivaji patibandla6/18/11, 9:03 AM

    arey vadu mana scool mate na...??

    r nu sollu cheptunavara ..... fiction story na..?

    ReplyDelete
  11. @shivaji : sollu kadura., nijame., kakapote mana schoolmate kadu., kangaru padaku

    ReplyDelete