Saturday, August 6, 2011

ముందస్తు స్వాతంత్ర దినోత్సవ శుభాకాంక్షలు

దేశానికి స్వాతంత్రం వచ్చి 65 సంవత్సరాలు అయ్యిందట!!! సంతోషం. ఇక జనాలంతా మొహం పుస్తకంలో(facebook), ఆర్కుట్లోతమ దేశ భక్తిని చాటడానికి సిద్దపడుతున్నారు. మొన్న ఆ మధ్య మనోళ్ళు క్రికెట్ గెలిచినప్పుడు వచ్చి పోయిన దేశభక్తీ మళ్లీ ఈవిదంగా మన ముందుకు రావటం ఆనందకరం.

చిన్నప్పుడు బడిలో అయితే జెండా ఎగురవేసి, నాలుగు దేశ భక్తీ గీతాలు పాడి, మా బడి ఎదురుగా ఉన్న కొండ ఎక్కిదిగేవాళ్ళం(ఎందుకు ఎక్కేవాళ్ళమో తెలియదు). ఆ రోజులే వేరు.

మా చిన్ననాటి స్నేహితుడు ఒకడున్నాడు. వాడి పేరు బాలకృష్ణ (నందమూరి అనుకోని కంగారు పడకండి, నాగసూరి బాలకృష్ణ). మా ఊరిలో వాళ్లది మందుల వ్యాపారం. మందులు అంటే జలుబుకి, జ్వరానికి వేసుకునే మందులు. అంతే తప్ప మత్తుకి, మజాకి వేసుకునేవి కాదని మనవి.

వాడి కింద ఇద్దరు గుమాస్తాలు పని చేస్తుంటారు. వీడు చెప్పిన ధరకి, ఆ గుమాస్తాలు మందులు అమ్మాలి. పది పైసల బిళ్లని రెండురూపాయలకి అమ్మమని గుమాస్తాలకి చెప్పాడే అనుకోండి(అనుకోండి, పాపం మంచి వాడు, అంత మోసం చేయడు), తప్పుగుమాస్తాదా?? లేక బాలకృష్ణ దా??

ఇప్పటి మన ప్రభుత్వం తీరు ఇలానే ఉంది. నిన్న మారన్ మామ, మొన్నకనిమొళి అక్క, అటు మొన్న రాజ బావ, వీళ్ళందరూ తప్పు చేసారు. మరి దాంట్లో పెద్దల హస్తం, పెద్దమ్మ హస్తం, మొత్తానికి "హస్తం" హస్తం లేదంటే నాకు నమ్మ బుద్ది కావటంలేదు. వాళ్ళెవరూ బయట పడకుండా పాపం మన తమిళ సోదరులకు మాత్రం అన్యాయం చేసారు. ఇదేమన్నా కాలువ పక్కన చిల్లరకొట్లో తిమ్మిరి బిళ్ళల దొంగతనమా? గుట్టు చప్పుడు కాకుండా ఒక్కడే చేయటానికి??

దేశంలో జనాభా, అవినీతి, దారిద్రం, ఎయిడ్స్ ఎంత వేగంగా పెరుగుతున్నాయో, మంచితనం, మానవత్వం, నిజాయితీ, అంతే వేగంగా తగ్గిపోతున్నాయి. ఏపూట ఎక్కడ పేలుళ్లు జరుగుతాయో అని భయం. ఇలాంటి పరిస్తితుల్లో వేడుకలు చేసుకోవటం నిజంగా బాధాకరమయిన విషయం.

దేశానికి స్వాతంత్ర వచ్చి ఇన్ని సంవత్సరాలు అవుతున్నా, ఇంకా దేశాన్ని పట్టి పీడిస్తున్న సమస్యలు చాలా ఉన్నాయి. మన యువరాజుకి(క్రికెటర్ కాదు) 45 సంవత్సరాలు దాటినా పెళ్ళి కాలేదు, యువనేత ఇంకా ఓదార్చటం పూర్తి కాలేదు, బాబు గారు అదికారంలోకి రాలేదు, కిరణన్న భాష జనాలకు అర్ధం కావటం లేదు, చిరు మాయ్యకి ఏమి చేయాలో అర్ధం కావటం లేదు.

గీంకార్ అన్నయ్య టి.విలో కనపడటం ఆపలేదు, కుకట్ పల్లి- హైటెక్ సిటి దారి ఇంకా బాగు కాలేదు, పెట్రోల్ పొస్తే బండి వేగం ఏమో కానీ, పెట్రోల్ ధరల వేగం మాత్రం తగ్గటంలేదు, మొహం పుస్తకం (facebook) వాడే వాళ్లు తగ్గటం లేదు, ఆర్కుట్ వాడే వాళ్లు, నా శీర్షికలు చదివే వాళ్ళు కనపడటం లేదు,

చివరగా దరలన్నీ పెరిగినా, నా జీతం మాత్రం పెరగలేదు. నా గోల ఎప్పుడూ ఉండేదే కానీ, మీ అందరికీ మరొక్కసారి ముందస్తు స్వాతంత్ర దినోత్సవ శుభాకాంక్షలు తెలియజేస్తూ సెలవు తీసుకుంటున్నాను. జైహింద్.

4 comments:

  1. M.R.C.Prasad8/6/11, 11:40 PM

    munduga andariki namaskaram. naa snehitudu rastunna e vyakyalanu chaduvutunna vikshakulaku andariki naa tarpuna mariyu anantaram tarapuna snehitula dinotsava mariyu mundastu swatantra dinotsava subhakankshalu.

    ReplyDelete
  2. @MRC : dhanyavaadaalu MRC, ee dinaala meeda, taddinaala meeda, oka seershika raddam ani eppati nunchoo anukuntunna, :P

    ReplyDelete
  3. Hey,

    I am in Canada(Toronto) and a consistent follower of your blog. My friend referred it to me and I find this blog refreshing. I can clearly see that writing these blogs takes a lot of time. JUSt out of curiosity do you do this for time pass or do you have any other incentive writing these blogs??. I hope my question is not offensive and if it is never mind it :)

    C.N

    ReplyDelete
  4. naakanta english raadu, telugulone samaadhaanam chebutaanu. naku vachina alochanalanni ekkadaina raayali anukuntunte, hariesh ane mitrudu blog raayamani salahaa ichaadu, a roju nunchi naaku eppudu kopam vachinaa, akopannanta ee bloglo teerchukuntunnanu., sardaaki raastunnane tappa, marokato inkokato kaadu, edoo aa vidamga munduku potunnanu, google vallu naku inta pedda kutumbaanni ichinanduku aanandistunna :P

    ReplyDelete